Hondbóltur
Hóast vektarmunurin var øgiligur, og russisku bamsurnar tí tungar at dansa við, so helt Janus Sørensen ikki, at uppgávan var verri enn tað, sum roknast kundi við.
- Vit sleppa væl ígjøgnum fyri steðgin, og eg haldi, at vit geva teimum ein ordiligan hvøkk. Tað rokni eg í øllum førum við, at teir fingu, tí teir høvdu í øllum førum broytt hugburð, tá teir komu út til seinna hálvleik.
Var tað tað, sum var munurin eftir steðgin. At teir seta ferðina upp?
- Ja, og at vit seta ferðina niður. Vit steðga við at koyra skjótt fram, og so verður tað trupult hjá okkum.
Nú er hetta uttan fyri føroyska kappingarárið. Hvussu er føroyska liðið fyri til at spæla tveir krevjandi dystir upp á tríggjar dagar?
- Kropsliga eru vit væl fyri, men dystarvenjingin er sjálvandi ikki optimal. Tað gekk tó væl fyri steðgin, men í seinna hálvleiki haldi eg, at bólturin gjørdist dekan ov hálur, segði Janus Sørensen.
