Fuglafjarðar kirkja bjóðar barnafamiljum til góðanáttsøgur fýra týskvøld fram til summars.
Fyrsta tiltakið verður í annaðkvøld, og seinasta tiltakið verður týskvøldið, 14. mai.
- Vit møtast í kirkjukjallaranum klokkan 17.30 til eina barnavinarliga máltíð. Tá vit hava etið, fara vit upp í kirkjuna at syngja, hoyra eina bíbliusøgu og biðja faðir vár. Tiltakið, sum er ókeypis, er liðugt í seinasta lagi klokkan 19.
Úr Fuglafirði verður sagt, at "góðanáttsøgur" soleiðis verða í Fuglafirði hesi týskvøld, 5. februar, 5. mars, 16. apríl og 14. mai.
- Vit fara at syngja úr nýggju Barnasálmabókini. Í vakurt listprýddu bókini eru kendir sálmar, sum allir standa í Sálmabók Føroya Kirkju, siga tey í Fuglafirði, sum standa aftanfyri tiltakið.
