Í gjár fekk løgreglan eina fráboðan um eitt innbrot í eina bingju í vesturbýnum í Havn.
Hetta var ikki ein tilvildarlig bingja, men ein bingja við fýrverki.
- Tað var, tá fýrverkssølan skuldi lata upp í gjár, at eigarin staðfesti, at onkur hevði verið í bingjuni og stolið fýrverk.
Vaktleiðarin á løgreglustøðini í Havn visti í morgun at siga, at sambært eigaranum er fýrverk stolið fyri einar 9.000-10.000 krónur.
- Vit hava onkur spor at ganga eftir, og hetta málið verður nú kannað nærri, sigur løgreglan í morgun.
