TRÝST á PÍLIN undir MYNDINI, og hoyr samrøðuna Rás2 hevði við áleyparan hjá TB/FCS/Royn, Jón Krosslá Poulsen, sum saman við liðfeløgunum vann ein sera týðandi 1-0 heimasigur á ÍF sum ger, at TB/FCS/Royn er átta stig røttu megin niðurflytingarstrikuna.
Talan er um fyrsta sigurin hjá TB/FCS/Royn aftaná steðgin. Undan sigrinum í dag hevði TB/FCS/Royn tapt fýra dystir á rað, og Jón Krosslá Poulsen undirstrikar eisini stóra týdningin av sigrinum.
Jón Krosslá Poulsen ynskir eisini at framhevja makkaran í álopinum, Búa Egilsson sum skoraði sigursmálið fyri TB/FCS/Royn.
Hóskvøldið vitjar TB/FCS/Royn EB/Streym á útivølli, og nú ætlar Jón Krosslá Poulsen, at TB/FCS/Royn skal fáa síni fyrstu stig ímóti EB/Streymi í ár.
