HEIÐURSSKJAL til Petur Højgaard, Saltangará.
Eysturoyar Tjóðveldisfelag skal við hesum skjali boða frá, at Petur Højgaard, navigatørur, Saltangará, er tilnevndur fyrsti heiðurslimur felagsins.
Uttantings hava tygum í seksti ára søgu floksins verið ein av alra fremstu oddvitunum. Áhaldandi. Ein teirra sum ongantíð boygnaði, heldur ikki tá ið tað stóð á hvørjum nagla. Felagið og flokkurin var amboðið, sum skuldi nýtast at fremja hjartamálið um politisku framtíðarstøðu landsins.
Framburðssøgan hjá føroyingum og okkara tjóðskaparstríð eru tvær alin av sama vaðmali. Í tínum og okkara føri endar hetta stríðið ikki fyrrenn tjóðin er skipað sum ein sjálvstøðugur statur í alheims samfelagnum. Tað er Republikkin Føroyar.
Blíðan byr og hjartaliga tillukku við hesum mikla heiðuri.
Strondum, 16. mai 2008
Jónsvein Bjartason, formaður
