Seinasti bólkurin í HM-endaspælinum er í dag farin av bakkastokki, og fyrr í dag vann Japan ein heldur óvæntaðan móti Kolumbia.
Les eisini: Útvístur eftir tríggjar minuttir
Fyri løtu síðani var annar dysturin í bólki H spældur, og aftur hesa ferð var úrslitið heldur óvæntað tí sum var væntað frammanundan dystinum. Dysturin endaði við, at Senegal vann 2-1 móti Póllandi, eftir hálvleiksstøðuna 1-0 til Senegal. Sum heild var talan um ein dyst, har Pólland var meira á bóltinum, men hevði trupulleikar við at skapa avgerandi støður á seinasta triðinginum.
Og tá so ein pólsk verjuvilla miðskeiðis í seinna hálvleiki, endaði við at Senegal legði seg á odda 2-0, gjørdist uppgávan hjá Póllandi óvanliga trupul.
Senegalski sigurin er fyrsti sigurin hjá einum afrikonskum landið til hetta HM-endaspælið, har tað higartil hevur verið tey europeisku londini, ið eru byrjaði mest sannførandi.
Tí er longu nú trýst á bæði Kolumbia og Póllandi, sum fleiri annars mettu sum greiðastu favorittarnar at spæla seg víðari úr bólki H.
Pólland – Senegal 1-2 (0-1)
0-1 Thiago Cionek (Sjálvmál), 37.
0-2 Mbaye Niang, 60.
1-2 Gregorz Krychowiak, 86.
