Fyrsta uppgávan: Makrelbýtið

Leo Poulsen

So er alt, sum tað eigur at vera.
Tað er í hvussu er hugs­anin hjá0 teimum mongu, sum ikki skiltu, at Jacob Vest­er­gaard skuldi vrakast sum fisk­i­mál­a­ráð­harri, tá nýggja sa­mgongan varð skipað.
Sum øllum kunnugt fall valið hjá Fólk­a­flokk­i­num á Ják­up Mikk­elsen sum fiski­mál­a­ráð­harra, men familju­skap­ur hans­ara við ein av størstu ak­t­ør­u­num í fiski­vinn­uni førdi sambært løg­manni til, at hann varð loyst­ur úr starvið týsdagin.
Fyrradagin peikaði Fólk­a­flokkurin so á Jacob Vest­er­gaard, og í gjár varð hann so innsettur sum lands­stýr­is­mað­ur í fisk­i­vinnumálum.
Og longu sama dag fekk hann fyrstu uppgávuna. Sum longu greitt var framman und­a­n, fekst eingin semja um makr­el­býtið eftir seinasta sam­ráð­ing­ar­um­farið, sum var í Ís­landi í vikuni.
Tað merkir, at tað nú er lat­ið upp í hendurnar á Jac­ob Vestergaard, at tilluta Før­oy­um eina makrelkvotu fyri 2012.
Tað var júst Jacob Vest­er­gaard, sum eft­ir úrs­l­i­ta­leysar sam­ráð­ingar í fjør, tillutaði Før­oyum eina eginkvotu á 150.000 tons. Hetta var tá ó­­hoyrt, og eitt ógvu­liga djarvt stig at taka.
Molarnir, sum fullu av hús­­bónd­ans borði, høvdu fram­an undan verið 15.000 tons, men eftir at tað varð staðf­est, at makr­el­urin hevði skift ferð­ing­ar­mynstur, og var í før­oysk­um sjógvi ein stór­an part av tíðini, fekk Jac­ob Vestergaard at sláa nevan í borðið.
Og júst makrelurin hevur ver­ið miðdepilin í teimum gegn­is­trup­ul­leikum, sum fingu løg­mann at loysa Jákup Mikk­elsen úr starvi sum fisk­i­mál­a­ráð­harra.
Nú verður tað so aft­ur í ár upp til Jacob Vest­er­gaard at tilluta Før­oy­um eina eginkvotu, og sum skilst á nýggja fiski­mál­a­ráð­harr­a­num verð­ur hon ikki minni enn í fjør.