Fyrsta steypafinalan millum HB og B36 í 27 ár

Fyri fyrstu ferð í 27 ár møtast HB og B36 í steypafinaluni. Tað er veruleiki aftaná B36 vann samanlagt 8-2 á Suðringum og HB vann samanlagt 6-1 á AB í hálvfinalunum. 

Talan verður um níggjunda steypafinaluna millum HB og B36 síðani føroyska steypakappingin byrjaði í 1955.

Í gomlum døgum møttust HB og B36 rættiliga ofta í steypafinaluni. Í 1959 vann HB 1-0 á B36 í steypafinaluni. Í 1963 møttust liðini aftur í steypafinaluni, og tá vann HB heili 7-1. Í 1964 varð talan um tvær spennandi uppgerðir.

Fyrstu ferð liðini leiktu á Sevmýru á Tvøroyri endaði steypafinalan við javnleiki 3-3. Nakrar dagar seinni var umdystur í Gundadali sum HB vann tepurt 4-3.

Í 1965 fekk B36 loksins hevnd fyri undanfarnu steypasigrarnar, tá teir vunnu 3-2 á HB í steypafinaluni. Liðini møttust aftur í steypafinalunum í 1968, og í 1969. Ì 1968 vann HB 2-1, og í 1969 vann HB 2-0.

Liðini møttust aftur í steypafinaluni í 1972, tá HB vann heili 6-1. Síðani gingu 19 ár, áðrenn liðini møttust aftur í steypafinaluni í 1991, tá B36 vann 1-0.

HB hevur vunnið steypakappingina 26 ferðir sum er føroyskt met, seinast var í 2004 tá HB vann 3-1 á NSÍ í finaluni. B36 hevur vunnið steypakappingina fimm ferðir, seinast í 2006 tá B36 vann 2-1 á KÍ í finaluni. 

Steypafinalurnar millum HB og B36 higartil í føroysku fótbóltssøguni eru hesar: