Fyrsta septembervalið í Føroyum

November er nógv mest nýtta tíð at halda løgtingsval í Føroyum.

Í 45 ár, frá 1945 til 1990 vórðu løgtingsval altíð hildin í november. Sum oftast 8. november, men eisini 7., 6. og 17. november – sum var tað seinasta novemberløgtingsvalið – í 1990.

Í Føroyum plagdu løgtingsvalini at vera so reglulig, at tey fullu upp á dagin. Nakað sum tey í Danmark til dømis ikki kenna til, hóast grundlógin er tann sama. Har hevur eitt fólkatingsvalskeið ongantíð hildið í fýra ár á tamb síðan grundlógin fyrstu ferð varð samtykt í 1849.

Seinasta summarvalið í Føroyum var í 1994, tá samgongan hjá Maritu Petersen skrædnaði, tá Lasse Klein fór úr samgonguni og úr Sjálvstýrinum. Samgongan misti meiriluta, og val varð útskrivað at verða 7. juli. Regluliga valið átti at verið 17. november í 1994.

Listin niðanfyri vísir, nær tey 35 løgtingsvalini, sum hava verið síðani floksbýtið á tingi í 1906, hava verið hildin: