Agnar Nielsen var føddur í Vestmanna 6. november í 1928. Hann var sonur Sannu Aagaard úr Leirvík og Jens Nielsen í Vestmanna.
Agnar giftist Lilly, fødd Poulsen úr Vági. Fýra ár eftir, at hon doyði, giftist hann aftur við Klaru, sum búði í Havn, ættað úr Porkeri.
Hann varð valdur á ting fyri Sambandsflokkin í Norðstreymoyar valdømi á valinum í 1970 og sat á tingi næstu seks løgtingsskeiðini í 20 ár út í eitt til 1990, tá hann gavst í politikki.
Agnar var útbúgvin Skipstimburmaður í 1949 og starvaðist sum bedingsmeistari í Vestmanna árini 1958 til 1965. Hann var kavari frá 1966 til 1972, og var stjóri á Vestmanna Skipasmiðju frá 1972 til 1981.
Agnar Nielsen gjørdist løgtingsformaður, tá samgonga varð skipað millum Fólkaflokkin, Sambandsflokkin og Tjóðveldisflokkin í mars 1989 til løgtings valið í 1990, tá hann gavst í politikki.
Agnar Nielsen sat eisini í Vestmanna bygdarráð frá 1997-2000.
Agnar Nielsen var abbabeiggi Bárð Nielsen, løgmann, sum er abbasonur bróðurin Sigurd Nielsen.
Jarðarferðin verður úr Vestmanna kirkju mikudagin 6. mai kl. 13:00.
Jarðarferðin verður stroymd á vestmannakirkja.fo, og víst á stórskíggja á kai-økinum. Í kirkjuni verður jarðarferðin fyri familjuni.
Tey, ið vilja lata blómu ella krans, kunnu lata Vestmanna kirkju eina peningagávu.
Niðanfyri sæst samrøða við Agnar Nielsen, sum var í Sosialinum 12. oktober í 2018.
TRÝST HER fyri lesa greinina
##med2##
