Eftir meira enn 39 ár í koma er fyrrverandi franski landsliðsspælarin Jean-Pierre Adams deyður.
Tað upplýsa fronsku feløgini Nimes og Paris Saint-Germain, sum Adams millum annað umboðaði á yrkisleið síni.
Adams skuldi í 1982 undir eina skurðviðgerð í knænum, tá hann av misgávum fekk eina deyðiliga mongd av doyvingarevni, sum gav honum heilaskaða og sendi hann í koma.
Jean-Pierre Adams spældi umframt við Nimes og PSG eisini við Nice og Mulhouse á yrkisleiðini, sum umframt 22 dystir fyri franska A-landsliðið í tíðarskeiðnum 1972 til 1976.
– Vit eru í morgun kunnað um, at Jean-Pierre Adam er deyður, skrivar Nimes á Twitter og sendir eins og PSG samkensluheilsan til familjuna hjá Adams.
Adams varð føddur í Senegal, men fór sum 10 ára gamal til Frankaríki við ommu síni.
/ritzau/
##med2##
##med3##
