Komandi mikukvøld klokkan 19 spælir føroyska manslandsliðið í hondbólti týdningarmesta landsdystin nakrantíð.
Talan er um EM-undankappingardystin móti Ukraina frammanfyri 1.800 áskoðarum í høllini á Hálsi í Havn.
Føroyska manslandsliðið hevur í onkrum hendinga dysti í einari HM-undanundankapping verið favorittur hjá altjóða veddingarfyritøkum. Men vit hava aldrin verið favorittur í einum dysti í einum EM-undankappingarbólki, tí vit hava havt leiklutin sum lægst styrkismetta liðið í bólkinum.
Fyrrapartin í dag eru tey fyrsta oddsini komin upp á dystin millum Føroyar og Ukraina, og hesaferð eru Føroyar ein lítil favorittur.
Miðaloddsini higartil upp á føroyskan sigur eru 1,62. Miðaloddsini upp á ukrainskan sigur eru 2,85.
