Um vikuskiftið hevur Krista Mørkøre svomið á stórari svimjistevnu í Manchester.
Hon royndi seg í fýra greinum, og tað gekst sera væl, sigur Ítróttarfelagið fyri Brekað, ÍSB.
Krista setti persónlig met í øllum greinunum, og vann hon fýra heiðursmerki. Hon vann nevniliga gull í 100 frísvimjing, í 50 frísvimjing og í 400 frísvimjing og hon vann silvur í 100 bringusvimjing.
Endamálið hjá Kristu at fara til kappingina, var at vita hvussu hon er fyri í samband við tær ætlanur sum liggja henni fyri framman, og fyri at royna at fáa bøta um tíðirnar í 50 metra hyli.
- Tíðirnar eru allar betraðar, og vónirnar eru góðar, sigur ÍSB.
Tíðirnar hjá Kristu vóru: 100m frísvimjing 1:08.49, 100m bringusvimjing 1:31.00, 50m frísvimjing 31:69, og 400m fríðsvimjing 5:17.09.
Krista hevur tó ikki tíð at sóla sær leingi í avrikunum, tí 22-24 januar skal hon á opna Paralympiska kapping í Kroatia.
Krista hevur eisini longu svomið seg til pláss í EM í Funchal, sum verður í mai.
