Bo Ellegaard úr Odensen eigur nú 11 kasettubond við upptøkum av kenda danska rockbólkinum Gasolin’, og talan er um ókendar upptøkur.
Ellegaard er Gasolin’ fjeppari og rekur ein plátuhandil í Odense.
Ljóðgóðskan er góð, er vorðin talgild, og umframt tónleikin, so hoyrast m.a. Kim Larsen og Franz Beckerlee keglast eitt sindur. Limirnir í bólkinum vóru saman alt døgnið hesi árini í sjeytiárunum, og lurtar ein, so fær ein hug at halda, at Søren Berlev roynur at sameina og halda bólkinum saman, sigur eigarin.
Tey 11 kassettubondini eru keypt á internet uppboðsølu í USA í fjør. Tey kostaðu 30.800 krónur.
Á bondunum eru konsertupptøkur frá 1976 -77, og fleiri upptøkur úr venjingarhølunum, har Gasolin’ við Kim Larsen á odda veruliga spenna seg út og geva alt teir eiga.
Helst er talan um bond, sum umboðsmaðurin hjá Gasolin’ hevði við sær til USA, tá bólkurin ætlaði at royna eydnuna í USA.
Enn er ógreitt, hvørja lagnu bondini fáa. Eigarin hevði fegin vilja givið út, men plátufelagið Sony eigur rættindini, og limirnir í bólkinum hava áður sagt, at teir ikki hava áhuga í, at meira tónleikur frá tíðini við Gasolin’ verður útgivin.
##med2##
##med3##
