Seinastu árini er vorðið alt meiri vanligt, at umførini í bestu fótbóltsdeildini eru á skrá fleiri dagar, og at tað verður spælt ymiskar tíðir sunnudag. Soleiðis er ikki hesa ferð. Fyrsta bríksl í øllum fimm dystunum í 21. umfari verður klokkan 15 í dag.
Tey trý liðini, sum framvegis eru við í kappingini um FM heitið, eru øll greiðir favorittar: B36 á útivølli ímóti EB/Streymi, Víkingur á heimavølli ímóti ÍF og NSÍ á heimavølli ímóti FC Suðuroy.
Líkindini at spæla fótbólt vera av teimum fagrastu seinnapartin. Sólin fer at kaga undan viðhvørt, tað verður turt og stilt, og hitin verður 10 til 13 stig.
TB-KÍ: Kári J. á Høvdanum kl. 15.00
HB-AB: Petur Reinert kl. 15.00
EB/Streymur-B36: Páll Augustinussen kl. 15.00
NSÍ-FC Suðuroy: Eiler Rasmussen kl. 15.00
Víkingur-ÍF: útlendskum gestadómari kl. 15.00
Støðan
B36 45
Víkingur 41
NSÍ 40
HB 32
KÍ 30
ÍF 23
TB 22
FC Suðuroy 16
AB 13
EB/Streymur 7
Víkingur og NSÍ hava spælt 21 dystir, og hini liðini hava spælt 20 dystir
