Vaktleiðarin á løgreglustøðini í Havn visti í morgun at siga, at ein rúgva av fólki var í býnum í Havn síðstu nátt.
- Her vóru eisini nógv full fólk, og tað vóru eisini nøkur, ið ikki kláraðu seg sjálvi, sum vit so koyrdu til hús gjøgnum náttina.
Løgreglan var nógv til steðar í býnum, bæði í bili og til gongu, og sum heild var lagið á fólki gott.
Men, um 03.30-tíðina síðstu nátt noyddist løgreglan at handtaka ein mann, sum varð illur og ólátaður niðri á Áarvegnum.
- Hesin endaði í brummuni og verður skuldsettur fyri bot á skilhaldsreglurnar, leggur vaktleiðarin aftrat í morgun.
