- Tað hevur verið fult av fólki og bilum á farleiðini í allan dag. Hóast vit sigldu ein eykatúr fyrrapartin, hava bilar kortini staðið eftir á Gomlurætt.
Tað verður sagt umborð á Teistanum, sum In.fo hevði samband við fyri løtu síðan. Lagt verður aftrat, at Teistin, sum tekur væl fleiri bilar enn Ternan, hevur siglt við fullum dekki av Gomlurætt í allan dag.
Teistin kom aftur í sigling um Skopunarfjørð í dag, eftir at hann hevur verið til eftirlit á Skipasmiðjuni Mest í Havn seinastu tíðina. Arbeiðið hevur gingið væl, og tíðarætlanin hevur hildið.
Umframt, at hvítusunna er hetta vikuskiftið, hava størri tiltøk eisini verið í Sandoynni í dag. Eitt nú hevur árligi djóradagurin verið í Húsavík, og í Meginskúlanum Inni í Dal er sølustevna.
