Nakrir russiskir norðoyastevnugestir hildu leiðina til Norðhavnina verða ov tunga. Tí fóru teir traðkandi norðureftir á stolnum súkklum. Tað skrivar Vágaportalurin í dag.
Vágaportalurin skrivar, at løgreglan í gjár fekk eina fráboðan um, at fullir russar vóru komnir til skipini í Norðhavnini á Ánunum, á stolnum súkklum.
Tá ið løgreglan so kom á staðið, har russisku skipini liggja, var ein maður á veg umborð við einari súkklu, og gjørdi so eina roynd at fáa súkkluna, sjálvt um hetta formliga er russiskt øki.
Vágaportalurin skrivar, at tað eydnaðist løgregluni, við miklum diplomatiskum brøgdum ,at fáa súkkluna, og tá ið løgreglan skuldi fara avstað við henni, komu boð um, at har vóru 4 súkklur eftir umborð á russiska trolaranum.
Løgreglan fekk so allar 5 súkklurnar, sum nú standa á Politistøðini í Klaksvík, har eigarnir fáa tær aftur.
