Nú fannirnar gráta sín vársong, fer Fuglafjarðar Sangkór undir leiðslu av Heðini Kambsdal at hava sína árligu várkonsert í Fuglafjarðar kirkju í kvøld 25. mai kl. 19.00.
Kórið fer at framføra føroyskar og útlendskar sangir við orgli, saman við strúkarum og a cappella.
Á skránni vera verk av millum øðrum Felix Mendelssohn, W.A. Mozart, C.V. Stanford, J. Waagstein og Kára Bæk at hoyra.
Millum verkini vera Coronation Mass in C – Gloria og Ave verum Corpus hjá W. A Mozart
Kórleiðari: Heðin Kambsdal
Við urguna: Petur Martin Johannesen
Strúkarar: Musikkskúlanæmingar og lærarar undir leiðslu av Moniku Stauss Joensen umframt solistar og kvartett.
