Vinarbýir
Rógvi Nybo
rogvi@sosialurin.fo
Í vikuskiftinum 5. til 8. juni 2009 vóru umboð fyri Norðurthing kommunu (Húsavík) í Íslandi á vitjan hjá Fuglafjarðar kommunu. Í hesum sambandi varð vinarbýarsáttmáli undirskrivaður millum kommunurnar báðar galdandi frá 6. juni 2009.
Norðurthing kommuna varð umboðað av 5 fólkum við borgarstjóranum Bergi Elias Águstsson á odda. Vinarbýarsáttmáliin, sum undirskrivað varð av borgarstjórunum báðum, snýr seg í høvuðsheitan um niðanfyri standandi:
• At styrkja um vinarbýarsamstarvið við at stovna og varðveita vinarliga sambond við hvønn annan.
• At fremja tað sínámillum fatan og virðing millum borgarar í Fuglafjarðar og Norðurthing kommunum.
• At eggja og stuðla ungdóms- og vaksnamannafeløgum, bólkum og øllum samfelagsstættum í kommununum báðum til at vitja hvønn annan.
• At skifta orð um upplýsing og vitjanir, fyri til allar tíðir at menna menniskjalig og mentanarlig sambond og skapa ein tryggan grundvøll fyri framtíðarfatan, virðing og vinarlagi millum okkara borgarar.
