So at siga hvørt ár hevur Fótbóltssamband Føroya trupulleikar við at fáa allar dómaraseðlarnir í yngru deildunum inn, so at støður kunnu gerast upp, og kappingin leggjast til rættis víðari.
Í ár er einki undantak í so máta, og FSF hevur sent rundskriv til feløgini, har teir biðja um, at allir dómaraseðlar verða sendir FSF so hvørt sum dystirnir eru spældir.
Í teimum deildum, har kappingin verður umskipað í summarsteðginum, skal FSF hava fingið allar dómaraseðlar í seinasta lagi 4. juli.
Dómaraseðlar, sum koma seinni enn hetta, kunnu ikki roknast við at verða tiknir við í uppgerðina av fyrru hálvu og tilrættaleggingini av seinnu, sigur FSF í rundskrivinum, sum er sent øllum feløgunum í Føroyum.
