Fótbóltssambandið hevur boðað øllum fótbóltsfeløgunum frá, at tað verður spælt uttan áskoðarar fram til 22. august. Tað er fult umfar í landskappingini hjá monnum í annaðkvøld. Talan er um 17. umfar, men liðini hava spælt 14 og 15 dystir. Hetta er orsaka av broytingunum, sum blivu gjørdar í skránni vegna koronasteðgin.
Í tíðindaskrivi skrivar Fótbóltssambandið:
Starvsnevndin í Fótbóltssambandi Føroya hevur tikið avgerð um, at frá mikudegnum 5. august til og við leygardagin 22. august, verða allir dystir í vaksnamannadeildunum spældir uttan áskoðarar.
Eftir at fleiri tilburðir av korona eru staðfestir í Føroyum seinastu dagarnar, hevur starvsnevndin í Fótbóltssambandi Føroya tikið avgerð um, at frá mikudegnum 5. august til og við leygardagin 22. august, verða allir dystir í vaksnamannadeildunum spældir uttan áskoðarar.
Somuleiðis verður heitt á feløgini um at hyggja eftir koronavegleiðingini í samband við venjing og dystir.
