Hóast nógv fólk var í býnum í Havn síðstu nátt, hevði løgreglan kortini eina stak friðarliga nátt.
- Jú, tað var nógv fólk í býnum, og nógv fólk vóru full. Vit vóru úti og hjálptu onkrum upp og á føtur, men vit hava einki mál.
Tað sigur vakthavandi á løgreglustøðini í Havn í morgun.
Lagt verður aftrat, at einki harðskapsmál er skrásett, og eingin er tikin fyri at koyra við kenning.
- Vit hava havt eina stak friðarliga nátt, har lítið og einki er komið í samdøgurfrágreiðingina - og einki av týdningi, sigur vakthavandi.
