Fyrr í dag tóku heimsmeistararnir úr Spania sín EM-hóp út, og nú hevur Frakland gjørt tað sama.
Franski landsliðsvenjarin, Laurent Blanc, hevur ikki Tottenham-verjuleikaran Younes Kaboul tøkan vegna skaða. Í hansara stað er komin Mapou Yanga-Mbiwa úr franska oddaliðnum, Montpellier. Hóast Marseille-áleyparin Loic Remy er úttikin, so er ivasamt, um hann verður við í endaliga hópinum vegna ein lærskaða.
Bacary Sagna úr Arsenal er eiheldur við vegna skaða.
26 mans eru við í bruttohópinum, og um tvær vikur verða tríggir av hesum vrakaðir.
Teir, ið úttiknir eru:
Málverjar: Hugo Lloris, Steve Mandanda, Cedric Carrasso
Verjuleikarar: Gaël Clichy, Patrice Evra, Laurent Koscielny, Philippe Mexes, Adil Rami, Mathieu Debuchy, Anthony Reveillere, Mapou Yanga Mbiwa
Miðvallarleikarar: Yohan Cabaye, Florent Malouda, Samir Nasri, Alou Diarra, Yann MVila, Yoann Gourcuff, Marvin Martin, Blaise Matuidi
Áleyparar: Haten Ben Arfa, Karim Benzema, Franck Ribéry, Olivier Giroud, Jeremy Menez, Loic Remy, Mathieu Valbuena
