Javnaðarflokkurin og Tjóðveldið eru ikki samdir um nevndarbýtið enn. Tí er tingfungurin útsettur til klokkan 13:30
Ósemja er framvegis um, hvussu nevndarsessirnir í løgtinginum skulu býtast.
Semjan, sum Javnaðarflokkurin og Tjóðveldið hildu seg hava gjørt, sær nú kortini ikki út til at halda. Flokkarnir hildu seg hava avtalað, at Javnaðarflokkurin skuldi fáa formanssessin í fíggjarnevndini.
Flokkarnir fara á fund kl 10:30, har greiða skal fáast á ósemjuni.
Ein annar trupulleiki tykist eisini vera, at Heini O. Heinesen fyrr hevur kravt at fáa formanssessin í Vinnunevndini.
