Sum tann triði flokkurin í Tórshavnar býráð hevur Framsókn nú almannakunngjørt listan til býráðsvalið í Havn. Hóast møguleiki er at stilla 17 fólk upp, so eru tó bara 12 fólk á listanum hjá Framsókn. Vert er at leggja til merkir, at hesaferð eru bæði løgtingsfólkini á listanum. Á seinasta býráðsvali í 2015 stillaði Ruth Vang eisini upp.
Framsókn fekk á býráðsvlinum í 2015 1.094 atkvøður í Tórsahavnar kommunu. Tað eru 9 prosent av atkvøðunum og gav flokkinum ein sess í Tórshavnar býráð. Tað var sessur nummar 10, sum merkir, at flokkurin fekk ein tryggan sess. Seinasta sessin fekk Fólkaflokkurin, sum lá um reppið at missa hann til Javnaðarflokkin.
Nú vantar bert Fólkaflokkurin at almannakunngera sín lista til býráðsvalið.
Hesi stilla upp fyri Framsókn hesaferð:
1. Bergun Kass, býráðslimur í Tórshavnar kommunu
2. Berit W. Samuelsen, tryggigarráðgevi
3. Ruth Vang, floksforkvinna
4. Sissal K. Kristiansen, sjálvstøðug vinnurekandi
5. Súsanna Køtlum, sjálvstøðug vinnurekandi
6. Súsanna Olsen, námslektari
7. Birgar Johannesen, pensjónistur
8. Bjarni K. Petersen, løgtingslimur
9. Róaldur Jákupson, fíggjarleiðari
10. Høgni Reistrup, samskiftisráðgevi
11. Karlot Hergeirson, HTÚ leiðari
12. Kristian Clementsen, maskinmeistari
Atkvøðubýtið hjá valevnunum hjá Framsókn á seinasta býráðsvalið – sum eisini var tað fyrsta hjá flokkinum, var hetta:
1 | Bergun Kass | 188 |
2 | Ruth Vang | 153 |
3 | Súsanna Olsen | 130 |
4 | Høgni Reistrup | 129 |
5 | Fridtleif Birgar Johannesen | 113 |
6 | K. Sissal K. Kristiansen | 81 |
7 | Poul Clementsen | 65 |
8 | Oda W. Andreasen | 56 |
9 | Róaldur Jákupsson | 49 |
10 | Berit W. Samuelsen | 45 |
11 | Birita Arge | 26 |
12 | Aleksandur L. Olsen | 15 |
