Skipakeyp
Anfinn Olsen, reiðari, váttaði seinnapartin í gjár, at Framherji hevur keypt verksmiðjutrolaran Hercules frá Tryggingarfelagnum Føroyar.
- Keypið fór fram í mikudagin, so enn er alt so nýtt.
Reiðarin var í eini aðrari telefon, tá vit høvdu orð á hann, men hann váttaði, at Framherji hevur keypt skipið.
Hercules liggur í Chili. Hetta var tað fyrra skipið hjá felagnum Thor í Hósvík, sum eldur kom í.
Portalurin hevur frætt, at keypsprísurin er 36 miljónir krónur.
- Um tit hyggja, síggja tit, hvat vit hava keypt skipið fyri, sigur reiðarin, sum ikki beinleiðis vil vátta keypsprísin, men heldur ikki afturvísir, at 36 miljónir krónur er rætta talið.
