Framherji í Fuglafirði hevur keypt Høgaklett frá Varðanum í Gøtu. Tað skrivar heimasíðan, skipini.fo
Við skipini.fo sigur Anfinn Olsen, reiðari hjá Framherja, at skipið í løtuni er úti á feltinum til fiskiskap.
- Vit hava keypt skipið frá Varðanum, tí at hini skipini, Tróndur í Gøtu, Finnur Fríði, Tummas T, Jupiter og Fagraberg skulu pumpa uppí Høgaklett, sigur Anfinn Olsen.
Tað er bara hálvur annar mánaður síðan, at Varðin í Gøtu keypti Høgaklett frá samtakinum Christian í Grótinum í Klaksvík. Tá kallaðist skipið, Christian.
Keypsprísurin er ikki upplýstur.
Mynd: Netavisin.fo
