Bert 20 ára gamli Tórður Skorheim Guttesen framdi eitt framúr gott málmansavrik í dystinum ímóti Grønlandi í høllini á Hálsi í kvøld, tá Føroyar vunnu 37-22 (18-11) á Grønlandi. Ferð aftaná ferð diskaði ungi málmaðurin upp við framúr góðum bjargingum.
Tórður Skorheim Guttesen hevur fingið sítt gjøgnumbrot við Kyndli í Okkaradeildini, og hann viðgongur, at tað hevur gingið skjótt og væl hetta kappingarárið við góðum avriki hjá Kyndli, og nú við landsliðnum.
TRÝST á PÍLIN undir MYNDINI, og hoyr samrøðuna Sjúrður H. Hoydal gjørdi við Tórð Skorheim Guttesen aftaná dystin ímóti Grønlandi.
Nú ætlar Tórður Skorheim Guttesen sær enn ein sigur ímóti Grønlandi í Vestmanna í morgin klokkan 17. Sjúrður H. Hoydal sigur frá dystinum á FM1, ið øll hoyra á www.midlar.fo.
