Eitt 17 ára gamalt evropeiskt met fall í kvøld.
Fyri 17 árum síðani vann Týskland 13-0 á San Marino á útivølli í Serravalle.
Í kvøld hevur Frakland sligið tað metið við einum knúsandi 14-0 stórsigri á Gibraltar á heimavølli í undankappingarbólki B.
Frakland var á odda 7-0 í steðginum. Longu tá 16 minuttir vóru farnir var støðan 3-0, og tað gjørdi ikki arbeiðssetningin lættari hjá Gibraltar, at Ethan Santos var útvístir longu í 18. minutt
Talið av málroyndum vísti 36-0 til Frakland. Talið av málroyndum innanfyri málrammurnar vísti 20-0 til Frakland.
Hagtølini fyri væntað mál (expected goals) var 6,59 til Frakland og 0,00 til Gibraltar.
##med2##
Í sama bólki vunnu Niðurlond 1-0 á Írlandi á heimavølli. Sigurin tryggjaði Niðurlondum pláss í EM-endaspælinum í Týsklandi komandi summar.
Støðan í bólki B:
1. Frakland 7 27-1 21 stig
2. Niðurlond 7 11-7 15 stig
--------------------------------
3. Grikkaland 7 12-6 12 stig
4. Írland 8 9-10 6 stig
5. Gibraltar 7 0-35 0 stig
Týskvøldið klokkan 19.45 tekur Gibraltar móti Niðurlondum á heimavølli. Somu klokkutíð tekur Grikkaland mót Fraklandi á heimavølli.
