Tøl hjá ST ferðavinnustovninum vísa, at Frakland er tað landið í heiminum, sum hevur flest ferðafólk. -
Ferðavinnustovnurin hjá Sameindu Tjóða (ST) vil verða við, at í 2012 verða tað fyri fyrstu ferð í søguni ein milliard ferðafólk í einum ári. Í fjør vóru 990 milliónir ferðafólk.
Frakland er tað landið í heiminum, sum hevur flest ferðafólk. Mett verður, at slakar 80 milliónir fólk vitjaðu Frakland í fjør.
Topp 10 listin yvir londini í heiminum, sum hava flest ferðafólk, sær soleiðis út:
1. Frakland
2. USA
3. Kina
4. Spania
5. Italia
6. Turkaland
7. Bretland
8. Týskland
9. Malaysia
10. Meksiko
Danmark hevði í fjør slakar 9 milliónir ferðafólk, og tað er munandi meira enn grannarnir Svøríki við sínum fimm milliónum og Noreg við sínum trimum milliónum ferðafólkum.
