Fyri lítlari løtu síðani ryktu brandbilar út, tí fráboðan var um eld í einum húsum á Løgmannabreyt.
Men hvat er hent, ber enn ikki til at siga.
– Vit vita ikki heilt, hvat er á vási enn, tí hetta er so mikið feskt, sigur vakthavandi á politistøðini, nú vit ringja fyri at spyrja, hvat hetta málið snýr seg um.
Sløkkiliðið og politiið hava sum skilst úr at gera nú í kvøld, og hetta er eisini ein orsøk til, at tey ikki kunnu fortelja meira.
Fráboðanin um eldin kom nakað aftan á klokkan 21, altso fyri góðum hálvum tíma síðani. Politiið er eisini á staðnum.
Eingin fólkaskaði var, og tamarhald er á støðuni.
Vit hava nakrar myndir her, og út frá myndunum sær ikki út til at vera nakar eldsbruni.
##med2##
