Sigast má, at Marlon Kjærbo úr Sumba er undangongumaður, ið gongur á odda og vísir á leið og vísur vilja. Rættari er tó kanska at siga, at hann rennur undan, heldur enn gongur.
Í dag, hósdag, byrjaði Marlon Kjærbo, formaður í Suðuroyar Svimjifelag, stuðulsrenning frá norðasta svimjihyli í landinum til tann syðsta. Talan er um stuðulsrenning fyri Susvim. Teinurin er einar 137 km.
Frá svimjihøllini í Klaksvík í dag gekk leiðin til Fuglafjarðar Svimjuhøll og víðari á Toftir í Tofta Skúla.
Í morgin gongur leiðin av Toftum til Havnar. Runnið verður einar 40 kilometrar, og seinasti teinurin til Havnar, 30 kilometrar, verður runnin leygardagin til svimjihøllina í Gundadali.
Úr Havn fer Marlon til Suðuroyar við Smyrli. Av Krambatanga fer Marlon til svimjihylin á Tvøroyri og síðani til Vágs Svimjihøll. Hetta verður sunnudagin.
Hann tekur á ferðini vatn úr øllum svimjihylunum á leiðini. Áhugaðir stuðlar kunnu venmda sær til Bank Nordik ella Suðuroyar Sparikassa ella ringja á 223466.
