Formaðurin visti av øllum

Tá sagt verður, at for­mað­ur­in í Sambandsflokkinum Kaj Leo Johannesen, onki visti um avgerð mína um ikki at vera ein partur av sam­gonguni, sum bein­leið­is av­leiðing um 266 b varð samtykt, so er hetta ikki rætt, tí eg boðaði for­mann­i­num frá hesum kvøldið fyri, og sama morgun sum mál­ið kom til viðgerðar í Løg­ting­i­num, og so skjótt sum løg­ting­ið hevði samtykt broyt­ing­ina í grein 266 b, segði eg formanninum frá støðu míni.
Hetta viðførdi, at vit báð­ir høvdu ein fund á Ting­hús­loft­i­num, har eg lovaði at siga honum frá, áðrenn eg kom við nakrari útmelding.
Hetta lyfti helt eg, og ringdi til Kaj Leo Jo­han­n­e­sen stutt áðrenn kl. 20 mik­u­­kvøld­ið og segði honum frá, at eg fór at boða frá hes­um dagin eftir.
So tá sagt verður, at for­mað­urin visti av ongum, so er hetta beinleiðis skeivt, og man helst vera ein mis­skilj­ing.
Annars ynski eg øllum før­oy­ing­um eini gleðilig jól og eitt av Harranum væl­signað nýggjár.