ES og USA fordøma russiska álopið á marknaðin í ukrainska býnum, Kostjantynivka, sum liggur har eysturi í landinum.
Í minsta lagi 17 fólk, harav eitt barn, lótu lív, og nógv eru løstað í eirindaleysa álopinum.
Ukrainsku myndugleikarnir siga, at tað var ein russisk rakett, sum rakti býin og marknaðin, sum liggur nærindis hermótinum millum stríðandi partarnar í Donetsk.
- Russland heldur fram við at terrorisera sivilfólkið í Ukraina. Russiska álopið í dag er andstyggiligt og barbariskt, sigur ES.
Karine Jean-Pierre, talskvinna hjá Hvítu Húsunum, sigur, at harðrendu russisku álopini vísa, hvussu týdningarmikið tað er at stuðla ukrainska fólkinum í stríðnum at verja sítt land.
Humaniteri samskiparin hjá ST fyri Ukraina, Denise Brown, rópar álopið í dag á marknaðarplássið í Kostjantynivka vanvirðisligt.
Tað er NTB, sum ber tíðindini um fordømingina av russiska álopinum á Ukraina.
##med2##
