Vinnuvitan.biz hevur nú kunngjørt roknskapirnar hjá politisku flokkunum á tingi.
Støddin á flokkunum er avgerandi fyri, hvussu stóra inntøku flokkarnir hava, tí teir liva at kalla bara av almennum stuðuli. Inntøkur av limagjaldi o. ø. eru bara viðfáningar, og stuðulin av Løgtingsins fíggjarlóg, sum flokkarnir jú sjálvir stýra, telur mest á inntøkusíðuni hjá flokkunum.
Tí hevur Fólkaflokkurin sum størsti flokkur á tingi størsta landskassastuðulin, sum flokkurin sjálvur kallar tað í ársfrágreiðingini. Fólkaflokkurin fær eina góða millión krónur á hvørjum ári hettta valskeiðið.
Javnaðarflokkurin, ið er næststørsti flokkur á tingi, fær eina slaka millión, 961.000 krónur, og so koma hinir flokkarnir aftaná eftir stødd, sum sæst í talvuni niðanfyri.
Sjálvstýri fær sum minsti flokkurin minsta landskassastuðulin, 138.000 krónur.
|
Flokkur |
Landskassastuðul |
Úrslit |
|
Fólkaflokkurin |
1.042.000 |
672.000 |
|
Sambandsflokkurin |
899.000 |
621.000 |
|
Javnaðarflokkurin |
961.000 |
681.000 |
|
Sjálvstýri |
138.000 |
207.000 |
|
Tjóðveldi |
823.000 |
466.000 |
|
Framsókn |
412.000 |
98.000 |
|
Miðflokkurin |
388.000 |
221.000 |
Ársúrslitini fylgja ikki heilt stødd ella landskassastuðuli. Fólkaflokkurin, Sambandsflokkurin og Javnaðarflokkurin hava at kalla somu úrslit, sum sæst í talvuni omanfyri, meðan hinir hava lægri inntøku.
