Nú verður so aftur heitt á yrkjarar, tónasmiðir og tónleikarar at senda tilfar inn til eina rokkfløgu - hesaferð tó við føroyskum tekstum. Flestu sangirnir á teimum báðum undanfarnu rokkfløgunum vóru ensktmæltir, og gongur Tutl tí »nýggjar leiðir«, samstundis sum roynt verður at menna tað føroyska málið í rokkheiminum.
Freistin at senda bond og tilfar annars inn er tann 20. Juni - øll kunnu royna seg - og ætlanin er at byrja upptøkurnar longu í heyst.
