Hesa vikuna hava tey føroyska viku í Mariehaven í Ansager í Danmark. Mariehaven, Galleriet og Vingaarden eru partur av sama konsepti í Ansager, og har hava tey javnan konsertir – bæði innandura og uttandura. Hesa vikuna spæla fleiri føroyskir tónleikarar har.
Hósdagin, fríggjadagin og leygardagin spæla Kristina Bærendsen og íslendski Böddi Reynis konsertir á Galleriet og á Vingaarden.
Seinnapartin sunnudagin verður stórt konsert í Mariehaven. Har fer Hallur Joensen at spæla við bólki sínum. Eisini framføra Jessica Joensen, Kristina Bærendsen og Stanley Samuelsen.
Ansager liggur í Vesturjútlandi, umleið ein hálvan tíma norðanfyri Esbjerg.
