Hallur Hansson og Brandur Hendriksson vóru báðir við í byrjunaruppstillingini hjá Vendsyssel FF, sum í ársins fyrsta dysti í dag var á vitjan hjá HB Køge.
Tað gekst illa við at spæla seg til málmøguleikar í fyrra hálvleiki, og fýra minuttir fyri hálvleikssteðgin legði HB Køge seg á odda við máli frá Rasmusi Nielsen.
Støðan helt sær í seinna hálvleiki, og tað merkti, at Vendsyssel FF mátti leggja rygg til eitt 1-0-tap. Hetta var bara triðju ferð í teimum 19 dystunum í ár, at Vendsyssel FF tapti.
Hallur Hansson varð útskiftur í hálvleikssteðginum, meðan Brandur Hendriksson, sum hevði fingið gula kortið fyri kjaftaslit, varð útskiftur góðar tíggju minuttir fyri leiklok.
René S. Joensen sat á beinkinum allan dystin, meðan fjórði føroyingurin í felagnum, Meinhard E. Olsen, ikki var við í hópinum.
Vendsyssel FF er á øðrum plássi í næstbestu donsku deildini, fimm stig aftanfyri oddaliðið Lyngby og seks stig frammanfyri Vejle á fjórða plássið. Trý tey fremstu flyta upp í Superliguna.
