Íslendska Mentamálaráðið bjóðar føroyingum at søkja stuðul, 6.500 krónur (130.000 íslendskar krónur um mánaðin í 8 mánaðir) til lestur í íslendskum máli og bókmentum á Háskóla Íslands lestrarárið 2016/2017.
Hesum boðar Fróðskaparsetur Føroyar frá í lýsing í mikudags-Sosialinum.
Upphæddin røkkur til vistarhald. Studentunum verður útvegað innivist á studentagarði, og húsaleigan verður goldin av studninginum. Námið byrjar 1. september 2016 og endar 30. apríl 2017.
