Tvey føroyingalið vóru í leiki í bestu hondbóltsdeildini hjá kvinnum í Danmark í kvøld.
Súna K. Hansen skoraði fýra mál, legði upp til tvey mál og vann liðnum hjá sær, Ajax tvey brotskøst, tá Ajax á heimavølli tapti tepurt 21-23 fyri Ikast á heimavølli.
Ajax var á odda 14-12 í steðginum, og tá 10 minuttir vóru eftir at leika var Ajax á odda 19-18. Men tað gekk illa í hond seinastu 10 minuttirnar, og tað kostaði dýrt.
Føroyski landsliðsleikarin, Pernille Brandenborg skoraði fýra mál, og vann liðnum hjá sær, Randers eitt brotskast, tá Randers var fyri stórtapi á útivølli.
Randers tapti 29-40 fyri Viborg á útivølli. Viborg var á odda 23-14 í steðginum.
Komandi týskvøld spælir Ajax móti Aarhus United á útivølli. Mikukvøldið 26. oktober tekur Randers móti København á heimavølli.
| Nr. | Lið | Dystir | Stig |
| 1 | Ikast | 8 | 14 |
| 2 | Odense | 7 | 12 |
| 3 | Team Esbjerg | 7 | 12 |
| 4 | Nykøbing Falster | 7 | 12 |
| 5 | København | 8 | 12 |
| 6 | Viborg HK | 8 | 8 |
| 7 | Aarhus United | 7 | 8 |
| 8 | Silkeborg-Voel | 7 | 7 |
| 9 | Horsens | 7 | 5 |
| 10 | Ajax | 8 | 5 |
| 11 | Ringkøbing | 8 | 4 |
| 12 | Randers HK | 8 | 4 |
| 13 | Skanderborg | 7 | 1 |
| 14 | SønderjyskE | 7 | 0 |
