Liðið hjá føroysku landsliðsleikarunum, Allan Norðberg og Nicholas Satchwell, KA leikti í kvøld móti Selfossi í útidysti í bestu íslendsku hondbóltsdeildini.
Selfoss vann greiðan 34-24 sigur.
Størsti skaðin hjá KA hendi í fyrra hálvleiki. Í steðginum var Selfoss á odda 21-12.
Allan Norðberg skoraði eitt mál fyri KA. Nicholas Satchwell bjargaði 10 av 31 málroyndum.
KA er nummar átta í deildini við fimm stigum.
Komandi vikuskiftið skal KA spæla dystir í Europa Cup móti eysturríkska liðnum, Aon Fivers.
