Tað skal millum annað gerast við at hava Føroyar tætt uppi í komandi verjusemjuni.
Tað sigur virkandi danski verjumálaráðharrin, Troels Lund Poulsen, sum var á fundi við Høgna Hoyal í Tinganesi í gjár.
Í tíðindaskrivi eftir at hann er komin aftur til Keypmannahavnar sigur hann:
– Saman skulu vit tryggja, at uppgávurnar hjá verjuni framvegis verða nøktandi í Arktis og í Norðuratlantshavi.
Verjumálaráðharrin heldur trygdina í Arktis og í Norðuratlantshavi vera eitt avgerandi tema í komandi verjusemjuni.
Galdani semjan gongur út síðst í árini. Samráðingarnar um komandi semjuna byrja í mai, upplýsti danski verjumálaráðharrin á tíðindafundi í Tinganesi í gjár.
