Tað letur til, at føroysku feløgini fara at gera skjótt av í europeisku fótbóltskappingini í hesum umfarinum.
Í gjárkvøldið tapti B36 2-1 á heimavølli ímóti TNS úr Wales.
Í kvøld hava trý feløg verið í europeiska eldinum. Tey taptu øll ruddiliga. Harvið er sannlíkið lítið fyri, at føroysk feløg vera í pottinum, tá ið tað fríggjadagin í næstu viku verður drigið um, hvussu liðini skulu hittast í næsta innleiðandi umfarinum.
Víkingur var við til at mynda sera undirhaldandi uppgerð í góðveðrinum á Svangaskarði, har norska stórfelagið Rosenborg vitjaði. Víkingur hevði fleiri stórar málmøguleikar, men fram ímóti dystarenda skoraði Rosenborg tvær ferðir. Harvið skal Víkingur skorað tvær ferðir á Lerkendal í Tróndheimi um eina viku, og samstundis skal Rosenborg ikki skorað, um Víkingur skal hava møguleika at halda fram í kappingini.
HB tapti 3-0 í Kanaus Litava ímóti Trakai. Alex José dos Santos var rikin av vølli. Um HB skal hava møguleika at halda fram í kappingini, so skal Trakai einki mál skorað á Tórsvølli, og HB skal skora í fyrsta umfari tríggjar ferðir, um talan skal vera um umdyst.
NSÍ tapti 2-0 á Windsor Park í Belfast ímóti Linfield FC. Tað ber við sær, at NSÍ um eina viku skal skora í hvussu so er tvær ferðir fyri at røkka umdysti, og tá skal Linfield ikki skora á Svangaskarði.
Tað varð fylgt við øllum dystunum á in.fo
http://www.in.fo/itrottur/sport-detail/news/beinleidis-nsi-tapti-2-0/
