##med2##
Í nátt gjørdi Russiski herurin innrás í Ukraina og síðani hava londini í vesturheiminum fordømt atsóknina upp á tað harðasta. Og tað gera Føroyar eisini. Í samrøðu við FM1 í áðni segði Bárður á Steig Nielsen, løgmaður, at Føroyar fordøma russiska álopið upp á tað harðasta, tí tað er eitt greitt brot á altjóða lóg um at tryggja frið og støðufesti í heiminum.
Hann sigur, at Føroyar hava gjørt púra greitt, at vit eru ein partur av vesturheiminum. Tað merkir, at støða Føroya er púra greið og tað er, at vit fara at fylgja vesturheiminum í teimum tiltøkum, sum fara at verða sett í verk ímóti Russlandi.
Trýst á pílin undir myndini og hoyr løgmann greiða frá føroysku støðuni.
