Føroyagrunnurin í Klaksvík hevði eitt slakari ár í fjør í mun til árið fyri, tá grunnurin hevði 27 milliónir í yvirskoti.
Bruttoúrslitið hjá grunninum var 240 milliónir krónur.
Føroyagrunnurin hevur til endamáls fyrst og fremst at eiga partabrøv í P/F J.F.K í Klaksvík. Hann kann eisini, sum fíggjarumstøðurnar loyva tí, seta á stovn vinnurekandi virki.
Grunnurin eigur 89 milliónir krónur í dóttirfelag og 72 milliónir í øðrum atknýttum feløgum.
Inntøkan frá dóttirfelagnum var í fjør 1,7 milliónir krónur og frá atknýttum feløgum 6,7 milliónir krónur.
Í nevndini fyri Føroyagrunnin sita Leif Abrahamsen, formaður, Hergerð Joesen, Jóhan Andrias Reyðberg og Jóhanna á Bergi.
Útslitini seinastu 10 árini hava verið:
2014: 8,3 milliónir krónur
2013: 27 milliónir krónur
2012: 10 milliónir krónur
2011: 7,8 milliónir krónur
2010: 12 milliónir krónur
2009: 3 milliónir krónur
2008: 0,3 milliónir krónur
2007: 3,1 milliónir krónur
2006: 10 milliónir krónur
2005: 11,9 milliónir krónur
