Tað hevur Kappingarráðið gjørt, eftir at hava kannað viðurskiftið hjá Føroya Tele, har almenna telefyritøkan skal hava misnýtt marknaðarstøðu sína á telemarknaðinum.
Michael Boolsen, fúti, váttar fyri Kringvarpinum, at Kappingarráðið hevur meldað eitt felag, uttan tó at siga, hvat felag talan er um.
Men nevndarformaðurin í Føroya Tele, Bjarne Arnason, váttar fyri Kringvarpinum, at tað er Føroya Tele, sum er meldað, og at Kappingarráðið mælir til eitt sektaruppskot upp á 27 milliónir krónur.
