Tað er í sambandi við trónuskiftið síðsta sunnudag, at Fríðrikur kongur og Mary drotning eru til hátíðargudstænastu í Aarhus Domkirke.
Gudstænastan verður í løtuni send í donskum sjónvarpi. Úr Føroyum er Jógvan Fríðriksson, biskupur við, saman við grønlendska biskupinum og donskum biskupum og próstum. Nógvir politikarar og umboð fyri almenna Danmark eru eisini við til hátíðargudstænastuna.
##med2##
##med3##
Nógv løgregla hevur verið at sæð í gøtunum í Aarhus í sambandi við, at kongshjúnini vitja í býnum og eru í krikju.
Klokkan 11 lokala tíð var rutan sperrað, sum kongshjúnini skuldu ferðast eftir úr Marselisborg til Aahus Domkirke.
##med4##
##med5##
##med6##
Tað er biskupurin í Aarhus Stift, Henrik Wigh-Poulsen, sum prædikar í dómkirkjuni. Hann er eisini kongaligur konfessionarius.
Eftir gudstænastuna, sum endar klokkan 14 okkara tíð, fer kongshúskið somu leið heim aftur á Marselisborg Slott sunnan fyri Aahus.
##med7##
##med8##
Keldur: Kongshúsið og Østjyllands Politi.
/ritzau/
