Hon er spádd eina bjarta framtíð og hevur verið nógv at hoyrt í útvarpinum í ár. Hon hevur verið á fleiri konsertferðum, millum annað í Týsklandi, men í kvøld er hon í Norðurlandahúsinum, har hon júst hevur tikið móti FMA-virðislønini fyri ársins nýggja navn. Talan er um tónleikakvinnuna Konni Kass.
Hon hevur veruliga fingið luft undir veingirnar við fyrstu útgávu síni Haphe, sum kom út í novembur.
Hini tilnevndu vóru:
Benjamin Rajani
FRUM
GUT Productions
KATA
Konni Kass
Tóra Vestergaard
Hon kemur í gott selskap, má sigast. Undanfarnir vinnarar eru Byrta í 2014, AVE í 2015 og Punjab í 2016.
Tað var Árni Olsen, marknaðarleiðari á Atlantsflog, sum handaði henni virðislønina.
