Aftur í dag sigur FM1 beinleiðis frá tveimum dystum í Betrideildini hjá monnum.
Klokkan 17 verður sagt frá dystinum millum nummar eitt, HB og nummar 10, Skála sum verður spældur á ovara vølli í Gundadali í Havn.
Klokkan 19 verður sagt frá dystinum millum KÍ og Víking við Djúpumýrar norðuri í Klaksvík.
Frásøgumenn hjá FM1 vera Tróndur Arge og Sjúrður H. Hoydal.
In.fo hevur beinleiðis tekstfrásøgn frá hesum báðum dystunum, og frá dystinum millum TB og ÍF við Stórá í Trongisvági sum byrjar klokkan 14.
Ljóðsamrøður og hæddarpunkt koma út á in.fo.
